بوطة
14-Dec-2006, 05:42 PM
بسم الله الرحمن الرحيم
الحمد لله رب العـالمين والصلاة والسلام على سيد الأنبيـاء والمرسليـن نبينـا محمد عليه وعلى آلـة وأصحابه أجمعين وعلى من والاه إلى يوم الدين..
أمــا بعـد..
بالأمــس عضو نشيط واليوم مشرف متميز وغداً طفشان من المنتدى!!!! هذا هو خـط سير بعـض الأعضـاء في منتدانــا..
هذا هو الحـال في تلـك الأيـام في منتدى الأثير ؟؟
هذا هو المرض المتفشي في جنبات هذا الصرح الشـامخ..
لـن أطيل في المقدمـة واسمحوا لي أن ادخل في صلب الموضوع..
وأعذروني أن "شطحـت" وتكلمـت بالعـاميـة شوي وبالفصحى شوي..
اخواني الاعزاء
الموضوع ومـا فيـه أن المنتدى بدا يفقد الكثير والكثير من الأعضاء والمشرفين المتميزين والسبب .؟؟؟؟؟؟
يعنـي أمـس كــان العضو نشيط ومتفاعل ومن قسم الا آخر وماشاء الله عليه مشاركات مميزة ومواضيع رائعـة وطرح جيد...
كـان داعي لترشيحه للإشراف أو سبب في اختياره متميز..
المهم الجميع اليوم يبارك له بالاشراف ويدعي له بالتوفيق..
استلم المشرف أحد الملتقيات واجتهد واخلص في عملـة وكـان له نشاط ملمووس ...
هــاه وصلنـا عند مربـط الفرس..
وش اللي صــار؟؟؟
وش اللي تغيــر؟؟
العضـو مسيـر على الاقتراحات او الشكاوي أو قسم الترحيب
وكـاتب بالخـط العريض ((مــع السلامــة))...
طيب ليــش؟؟
طبعـاً أنا استثني من هالموضوع الأعضـاء اللي غـادرو المنتدى لظروف قـاهرة أما لمواصلـة دراسـة ولا لسفـر ولا لغيرهاا من الاسبـاب والظرووف..
لو رحـت للعضو اللي أعلن الرحيل وسـألتـه...
ياأخ عضوو/هـ:
وش السبب ؟؟
ليش ناوي تشد الرحـال..
بيجـاوبك على طول ويقول بصراحة الادارة..!!
يعني بالعربي بيلقي الحمل على ظهر الادارة ويحملهم سبب رحيلـة..
تخش مع العضوو في ملابسات القضية يقوولك بصراحـة الادارة حـازمـة وشديدة ((طيب الحزم مطلووب))..
بيقولك بصراحـة الادارة مـاتسمح لنـاء نبدي رأينـا بحرية ((طيب ابداء الراي في حدود المعقول وفي إطار الادب أعتقد مافيه شيء ولا احد يمنعـه))...
المهم بيوصل التظلم على الادارة لأكثر من كذا وراح يمتلي ظهر الادارة سكـاكيـن..!!
طبعـا نحول للإدارة نسـألهم عن نفس الموضووع..
بيقولوون العضوو هذا مخطي وفيه وفيه وفيه وسبق وحذرنـاه..
بتروح يمين ويسار ولا رايح تطلع بنتيـجه..
بس الخطـأ بيكون مشترك ولو أن العضو يتحمل أغلب الجزء أو خلينـي اقول 70% من سبب الرحيل يقع على عـاتق العضوو نفســه..
طيب ياادارة منـتداي الكريـم ولنفرض أن العضوو مخطي أو المشرف تجاوز الحدود ..
أليس هنـالك طرق افضل من الايقـاف والطرد والحذف ..!!
((لا تقوولون هذا تدخل غير مشرووع وانت جـاي تعلمنـا شغلنـا يا الملاك الحنون))
لاحشــا ..بس مجرد وجهـة نظر خـــــــــــــــااااااصــة..
يعنــي لو وسعـة الادارة صدرهـا شووي على الاعضـاء وتحملتهم ونبهتم مره ومرتين سواء بالرسايل الخـاصة ولا علنـاً قدام الجمهوور..
واذا تسرع العضوو وقال يالله ((نشوفكم على خير)) ليش نلقى الردود "بحفـظ الله"..
"الله يسهل عليك" "مـاتشووف شر" واللي مره مره يقوول "أتمنى تعيد النظر في قرارك"..
طيب ليش مـانجـامل العضوو "المغتاض" ونحسسه بقيمـته في المنتدى وأن وجووده مهم يعني بالعربي "ليش مـانكبر راسـة نعطيه على قد عقلـة"..
بتقولون لا على شان العضو مايتمادى ويكون عبرة لغيره بقوول أن العضو لو حصل الكلام الطيب والاسلوب الرائع كان والله ليستحي ويعين خير ويتعوذ من ابليس ويعتذر بعد...
يعنــي عـاجبكم هالحــال..وكل يوم والثاني وعضوو لام عفشـه وضارب الباب..
أعتقد أن طال هالوضـع واستمر هالحـال بيبقى المنتدى يفقد الكثير من الاعضاء المميزين << ((خطاب للعقول فقط))...
أمــا أنت ياسيدي العضو "الطفشـان"..
تعال بهمس بأذنك همسـة بسيطـة..
يعني لو قررت الرحيل ورحلت فعلاً تهقى المنتدى بيبكي عليك.!!؟
يمكن يفقد المنتدى مشرف رائع او عضو ممتـاز بس المشرف بداله عشره والعضو بداله الف..
مـا أعتقد أن أختلاف مع أدارة منتداك تخليك تضيع سنة او سنتين أو أكثر من عمرك قضيتها في المنتدى..
وزعل بسيط بينك وبين الادارة ماأظن يستاهل تخسر ألف أو أكثر من المشاركات الثمينـه في المنتدى..
ونقاش مع الادارة ما أتوقع سبب قوي يخليك تخسر أصدقائك بالمنتدى..
بيني وبينـك أنت المخطي ميـة بالميـة ولو أني أناقض نفسي بس مايخالف..
بدون مجـاملة حنـا عندنـا أدارة واعيـة مقدرة ولا أشك في لحظـة أنها بتظلم أحد صحيح حـازمـة بس الحزم وكما أسلفت مطلوب..
وبعدين ولنفرض أن الادارة ظالمتك ايها العضوو من بين كل هالاعضـاء ياخي وسـع صدرك ونـاقش بادب وفاوض باسلووب..
بس على طووول ((مع السلامـة)) مايصير...
عمومـا أنا والله مدري وش دعـاني لكتـابة هالموضوع يمكن حبي للمنتدى وحرصي عليه بعدين فعلاً أنا ملاحظ هالعـاده وهي هروب الاعضاء بدت تتكرر بالاوانة الاخيرة..
أدري موضوعي حساس بس مايخالف تحملوني..
وداري بيلحقني شرهـات على هالموضوع وشرهات يعني لوم وعتب ماهوب شرهات المتعارف عليهاا.
بيلحقني لوم وعتب لاني تطرقت لمواضيـع حساسه شوي وعلى شاني قلت كلام مفروض أن كل عضو في هالمنتدى عـارفـه ...
الموضوع برمــته رسـالة للي غـادروو واللي في راسهم مشرووع مغادره أقول لهم اقضبو أرضكم واذكروا الله..س
والموضوع ايضا رجـاء للإدارة توسع خاطرهـا معنى شووي..
ممكن يكون نقطـة حوار نتباحث حوله عن اسباب رحيل الاعضاء عن المنتدى ..
واللي وده يوجـه رسالة للأعضاء الزعلانين ياليت يتكرم علينا فيهـا..
داري طولت في الموضوع بس ودي يفهم بعقلانيـة شووي ويدرك المقصد منـه ...
((الاختلاف بالرأي لايفسد للود قضيـة))..
أدري طولــت .. بس مـاعليـــش..
((إن أصبنـا فمن الله وإن اخطـأنا فمن أنفسنا والشيطـان))
الحمد لله رب العـالمين والصلاة والسلام على سيد الأنبيـاء والمرسليـن نبينـا محمد عليه وعلى آلـة وأصحابه أجمعين وعلى من والاه إلى يوم الدين..
أمــا بعـد..
بالأمــس عضو نشيط واليوم مشرف متميز وغداً طفشان من المنتدى!!!! هذا هو خـط سير بعـض الأعضـاء في منتدانــا..
هذا هو الحـال في تلـك الأيـام في منتدى الأثير ؟؟
هذا هو المرض المتفشي في جنبات هذا الصرح الشـامخ..
لـن أطيل في المقدمـة واسمحوا لي أن ادخل في صلب الموضوع..
وأعذروني أن "شطحـت" وتكلمـت بالعـاميـة شوي وبالفصحى شوي..
اخواني الاعزاء
الموضوع ومـا فيـه أن المنتدى بدا يفقد الكثير والكثير من الأعضاء والمشرفين المتميزين والسبب .؟؟؟؟؟؟
يعنـي أمـس كــان العضو نشيط ومتفاعل ومن قسم الا آخر وماشاء الله عليه مشاركات مميزة ومواضيع رائعـة وطرح جيد...
كـان داعي لترشيحه للإشراف أو سبب في اختياره متميز..
المهم الجميع اليوم يبارك له بالاشراف ويدعي له بالتوفيق..
استلم المشرف أحد الملتقيات واجتهد واخلص في عملـة وكـان له نشاط ملمووس ...
هــاه وصلنـا عند مربـط الفرس..
وش اللي صــار؟؟؟
وش اللي تغيــر؟؟
العضـو مسيـر على الاقتراحات او الشكاوي أو قسم الترحيب
وكـاتب بالخـط العريض ((مــع السلامــة))...
طيب ليــش؟؟
طبعـاً أنا استثني من هالموضوع الأعضـاء اللي غـادرو المنتدى لظروف قـاهرة أما لمواصلـة دراسـة ولا لسفـر ولا لغيرهاا من الاسبـاب والظرووف..
لو رحـت للعضو اللي أعلن الرحيل وسـألتـه...
ياأخ عضوو/هـ:
وش السبب ؟؟
ليش ناوي تشد الرحـال..
بيجـاوبك على طول ويقول بصراحة الادارة..!!
يعني بالعربي بيلقي الحمل على ظهر الادارة ويحملهم سبب رحيلـة..
تخش مع العضوو في ملابسات القضية يقوولك بصراحـة الادارة حـازمـة وشديدة ((طيب الحزم مطلووب))..
بيقولك بصراحـة الادارة مـاتسمح لنـاء نبدي رأينـا بحرية ((طيب ابداء الراي في حدود المعقول وفي إطار الادب أعتقد مافيه شيء ولا احد يمنعـه))...
المهم بيوصل التظلم على الادارة لأكثر من كذا وراح يمتلي ظهر الادارة سكـاكيـن..!!
طبعـا نحول للإدارة نسـألهم عن نفس الموضووع..
بيقولوون العضوو هذا مخطي وفيه وفيه وفيه وسبق وحذرنـاه..
بتروح يمين ويسار ولا رايح تطلع بنتيـجه..
بس الخطـأ بيكون مشترك ولو أن العضو يتحمل أغلب الجزء أو خلينـي اقول 70% من سبب الرحيل يقع على عـاتق العضوو نفســه..
طيب ياادارة منـتداي الكريـم ولنفرض أن العضوو مخطي أو المشرف تجاوز الحدود ..
أليس هنـالك طرق افضل من الايقـاف والطرد والحذف ..!!
((لا تقوولون هذا تدخل غير مشرووع وانت جـاي تعلمنـا شغلنـا يا الملاك الحنون))
لاحشــا ..بس مجرد وجهـة نظر خـــــــــــــــااااااصــة..
يعنــي لو وسعـة الادارة صدرهـا شووي على الاعضـاء وتحملتهم ونبهتم مره ومرتين سواء بالرسايل الخـاصة ولا علنـاً قدام الجمهوور..
واذا تسرع العضوو وقال يالله ((نشوفكم على خير)) ليش نلقى الردود "بحفـظ الله"..
"الله يسهل عليك" "مـاتشووف شر" واللي مره مره يقوول "أتمنى تعيد النظر في قرارك"..
طيب ليش مـانجـامل العضوو "المغتاض" ونحسسه بقيمـته في المنتدى وأن وجووده مهم يعني بالعربي "ليش مـانكبر راسـة نعطيه على قد عقلـة"..
بتقولون لا على شان العضو مايتمادى ويكون عبرة لغيره بقوول أن العضو لو حصل الكلام الطيب والاسلوب الرائع كان والله ليستحي ويعين خير ويتعوذ من ابليس ويعتذر بعد...
يعنــي عـاجبكم هالحــال..وكل يوم والثاني وعضوو لام عفشـه وضارب الباب..
أعتقد أن طال هالوضـع واستمر هالحـال بيبقى المنتدى يفقد الكثير من الاعضاء المميزين << ((خطاب للعقول فقط))...
أمــا أنت ياسيدي العضو "الطفشـان"..
تعال بهمس بأذنك همسـة بسيطـة..
يعني لو قررت الرحيل ورحلت فعلاً تهقى المنتدى بيبكي عليك.!!؟
يمكن يفقد المنتدى مشرف رائع او عضو ممتـاز بس المشرف بداله عشره والعضو بداله الف..
مـا أعتقد أن أختلاف مع أدارة منتداك تخليك تضيع سنة او سنتين أو أكثر من عمرك قضيتها في المنتدى..
وزعل بسيط بينك وبين الادارة ماأظن يستاهل تخسر ألف أو أكثر من المشاركات الثمينـه في المنتدى..
ونقاش مع الادارة ما أتوقع سبب قوي يخليك تخسر أصدقائك بالمنتدى..
بيني وبينـك أنت المخطي ميـة بالميـة ولو أني أناقض نفسي بس مايخالف..
بدون مجـاملة حنـا عندنـا أدارة واعيـة مقدرة ولا أشك في لحظـة أنها بتظلم أحد صحيح حـازمـة بس الحزم وكما أسلفت مطلوب..
وبعدين ولنفرض أن الادارة ظالمتك ايها العضوو من بين كل هالاعضـاء ياخي وسـع صدرك ونـاقش بادب وفاوض باسلووب..
بس على طووول ((مع السلامـة)) مايصير...
عمومـا أنا والله مدري وش دعـاني لكتـابة هالموضوع يمكن حبي للمنتدى وحرصي عليه بعدين فعلاً أنا ملاحظ هالعـاده وهي هروب الاعضاء بدت تتكرر بالاوانة الاخيرة..
أدري موضوعي حساس بس مايخالف تحملوني..
وداري بيلحقني شرهـات على هالموضوع وشرهات يعني لوم وعتب ماهوب شرهات المتعارف عليهاا.
بيلحقني لوم وعتب لاني تطرقت لمواضيـع حساسه شوي وعلى شاني قلت كلام مفروض أن كل عضو في هالمنتدى عـارفـه ...
الموضوع برمــته رسـالة للي غـادروو واللي في راسهم مشرووع مغادره أقول لهم اقضبو أرضكم واذكروا الله..س
والموضوع ايضا رجـاء للإدارة توسع خاطرهـا معنى شووي..
ممكن يكون نقطـة حوار نتباحث حوله عن اسباب رحيل الاعضاء عن المنتدى ..
واللي وده يوجـه رسالة للأعضاء الزعلانين ياليت يتكرم علينا فيهـا..
داري طولت في الموضوع بس ودي يفهم بعقلانيـة شووي ويدرك المقصد منـه ...
((الاختلاف بالرأي لايفسد للود قضيـة))..
أدري طولــت .. بس مـاعليـــش..
((إن أصبنـا فمن الله وإن اخطـأنا فمن أنفسنا والشيطـان))